करेन्ट लागेर दुईको मृत्यु

सुर्खेत । वीरेन्द्रनगर नगरपालिका–३ पतेनीरोडस्थित फायर फिस कटेजको फलामे रेलिङ्मा विद्युत सर्ट हुँदा बुधबार राति दुई जनाको मृत्यु भएको हो ।

मृत्यु हुनेमा कालीका गाउँपालीका–५ कालिकोटका २६ वर्षीय भिम शाही र रामेछापका २५ वर्षिय पासाङ लामा रहेको जिल्ला प्रहरी कार्यालय सुर्खेतले जानकारी दिएको छ ।

यता, पश्चिम सुर्खेतको पञ्चपुरी नगरपालीका–१० का लोक बहादुर मन्दिर भेरी नदी तर्ने बेला वेपत्ता भएका छन् । चेपाङबाट तातापानी जाने क्रममा पौडीएर नदी तर्न लागेका ६० वर्षिय मन्दिर बुधबार साँझ वेपत्ता भएको सुर्खेत प्रहरीको जनायो । स्थानीय र प्रहरीले उनको खोजीकार्य जारी राखेको छन् ।