शिक्षक आन्दोलनलाई विपक्षीले सरकार ढाल्ने अस्त्र बनाए : सांसद गैरे

हाम्रो इकोनोमि

 

 

नेकपा एमालेका सांसद ठाकुर गैरेले आन्दोलनरत शिक्षकहरूको प्रतिनिधिको भूमिकामाथि प्रश्न उठाएका छन् ।प्रतिनिधिसभाको बैठकमा बोल्दै उनले शिक्षक महासंघका प्रतिनिधिहरूले प्रधानमन्त्री र मन्त्रीहरूसँगको बैठकपछि खुसी भएर फर्किए पनि बाहिर गएपछि अमिलो अनुहार लगाउने गरेको बताए ।

उनले भने, ‘हामीले देखिरहेका छौँ  शिक्षक महासंघका साथीहरू प्रधानमन्त्रीसँग छलफल गरेर फर्किँदा उत्साहित भएर फर्किएको समाचारहरू आउँछन् । तर बाहिर आउनुहुन्छ अनुहार फेरि अरअरो हुन्छ नमिठो अनुहार लाउनुहुन्छ । सत्तारुढ दलको नेता र मन्त्रीहरूको बैठकमा पनि शिक्षक साथीहरू खुसी भएर फर्किएको देखिन्छ । जब बाहिर आउनुहुन्छ समस्या जहाँको त्यही हुन्छ । शिक्षक आन्दोलनलाई विपक्षी दलहरूले सरकार ढाल्ने अस्त बनाएको आरोप लगाए ।