देउवा निवासमा कांग्रेस पदाधिकारी र मन्त्रीहरूको बैठक, सत्ता गठबन्धनमा आशंका
सत्तारुढ दल नेपाली कांग्रेसको बैठक सभापति शेरबहादुर देउवा निवास बुढानीलकण्ठमा जारी छ। बैठकमा पार्टीका पदाधिकारी, पूर्वपदाधिकारी र पार्टीबाट सरकारमा गएका मन्त्रीहरू पनि सहभागी छन् । जारी बैठकमा पछिल्ला समसामयिक राजनीतिक घटनाक्रमबारे छलफल चलिरहेको बैठकमा सहभागी एक नेताले बताए ।
एमालेसँग सत्ता सहकार्य थालेको ९ महिना पुग्दा सत्तारुढ दल नेपाली कांग्रेसभित्र असन्तुष्टि बढ्न थालेको छ । पछिल्लो समय कांग्रेसमा महामन्त्रीद्वय गगन थापा र विश्वप्रकाश शर्मा, नेता शेखर कोइराला र उनी निकटका नेताहरूले चर्को असन्तुष्टि व्यक्त गरिरहेका छन् ।
कांग्रेसमा असन्तुष्टि बढेपछि हिजो उच्चस्तरीय राजनीतिक संयन्त्रको बैठकमा बसेको थिए । बैठकमा उपसभापति पूर्णबहादुर खड्का र महामन्त्री थापा सहभागी भएनन् । त्यसले सत्ता गठबन्धनमा आशंका बढेको छ ।
