टेक्सास टपर्स टक कार्यक्रमको आयोजना हुने

हाम्रो इकोनोमि

 

 

बुढानिलकण्ठ नगरपालिकामा रहेका विद्यालयमा अध्यनरत उत्कृस्ट विद्यार्थी मार्फत विद्यालय चिनाउनका लागि टेक्सास टपर्स टक कार्यक्रम आयोजना गरीने भएको छ । जेष्ठ १८ गते बुढानिलकण्ठ नगरपालिका वडा नं १० मा रहेको कार्की इभेन्ट्समा हुने कार्यक्रममा  विद्यार्थीहरुले आफ्नो विद्यालयको इतिहास,पृष्ठभूमि, विशेषता आदिका वारेमा प्रस्तुतीकरण दिनेछन । विद्यालयका कक्षा ८ ,९ र १० मा अध्यनरत विद्यार्थी मध्ये विद्यालयले छनौट गरेका उत्कृस्ट विद्यार्थीहरुकाका लागी जेष्ठ १३ गते टेक्सास इन्टरनेसनल कलेज, चावहिल मित्रपार्कमा अभिमुखीकरण कार्यक्रम आयोजना गरिएको आयोजकले जानकारी दिएको छ । कपन अनलाइनको आयोजना,टेक्सास इन्टरनेसनल कलेजको प्रायोजन र भी एस कलेज ,चावहिलको प्रवर्धनमा हुने सो कार्यक्रममा सहभागिताकाका लागि जेष्ठ १० गते भित्र  विद्यार्थीले नाम दर्ता गर्न सकिनेछ । TOPPERS TALK  कार्यक्रम अवधारणा यो कार्यक्रम विभिन्न विद्यालयहरुमा अध्ययनरत उत्कृस्ट विद्यार्थीले आफ्नो शिक्षालय चिनाउने अभियानका रुपमा रहेको छ । यस कार्यक्रममा सहभागी विद्यार्थीहरुले आफ्नो विद्यालयका वारेमा तयार पारेको सामाग्री मन्तव्य मार्फत प्रस्तुत गर्नेछन भने उनीहरुको प्रस्तुति र शैलीलाई संचार माध्यम मार्फत सार्वजनिक गरिनेछ । 

कस्तो हुनेछ कार्यक्रम ? 

१. विद्यार्थीहरुले विद्यालयको इतिहास, सबल पक्ष र विशेषताहरुका बारेमा ४ मिनेटको सामाग्री तयार पार्नुपर्नेछ ।

२. कार्यक्रम आयोजना गरिएको दिन विद्यार्थीहरुले आफुले तयार पारेको सामाग्री प्रस्तुत गर्नेछन ।

३. विद्यार्थीहरुको प्रस्तुतिलाई विभिन्न संचार माध्यमले प्रत्यक्ष प्रसारण समेत गर्नेछन ।

४. विद्यार्थीहरुको प्रस्तुतिलाई आयोजक कपन अनलाइनले सम्पादन गरेर हरेक विद्यालयको छुट्टा छुट्टै भिडियो तयार गरी प्रसारण गर्नुका साथै भिडियो विद्यालयलाई उपलव्ध गराउने छ ।

५.कार्यक्रमको प्रचारमा टाइटल स्पोन्सर, इभेन्ट स्पोन्सर र सहभागी विद्यालयलाई प्राथमिकताका साथ स्थान प्रदान गरिनेछ ।