दुबई गएका शरदसिंह फर्किँदा मन्त्री पद चैट्

 

 

वर्तमान सरकारका अधिकांस मन्त्रीले एकसाथ जागीर गुमाउँदैछन् । बेलुका अनायास सुरु भएको बालुवाटार दौडले एकैसाथ थुप्रै मन्त्री भुतपूर्व बन्ने भएका छन् । त्यसमध्ये एक हुन् शरदसिंह भण्डारी । श्रम तथा रोजगार मन्त्री भण्डारी अहिले यूएईमा छन् । उनी वैदेशिक रोजगार व्यवसायी संघले आयोजना गरेको रोजगारी सम्मेलनमा भाग लिन त्यहाँ पुगेका हुन् ।  मन्त्री भण्डारी आज बेलुका फर्किनेछन् । श्रम तथा रोजगार मन्त्रीको हैसियतमा यूएई गएका मन्त्री भुतपुर्व बनेर फर्किने निश्चित भएको छ । काठमाडौंमा ओर्लिँदा उनको मन्त्री पद गुमिसकेको हुने छ । सरकारका अन्य मन्त्रीहरुको पनि अवस्था यस्तै छ । आज पार्टीको वैठकमा सहभागी भएका कानून मन्त्री धनराज गुरुङ गाडीमा राखेको झण्डा छोपेर फर्केका थिए ।