विपक्षीको संसदमा प्रश्न : मन्त्रीलाई पद छोड्न केले छेकेको छ ?



प्रमुख प्रतिपक्ष दल नेकपा एमालेसहित विपक्षी दलहरूले विवाद र भ्रष्टाचारमा मुछिएका मन्त्रीहरूबारे प्रधानमन्त्रीले संसदमा स्पष्ट जवाफ दिनुपर्ने माग दोहोर्‍याएका छन् ।  सोमबार बसेको प्रतिनिधिसभाको बैठक सुरु हुनेवित्तिकै एमाले सांसद गोकुल बाँस्कोटाले बालकुमारी घटनामा दोषी देखिएका मन्त्री प्रकाश ज्वालासहित भ्रष्टाचारमा मुछिएर अख्तियारमा  बयान दिएका मन्त्रीहरूको राजीनामा किन नदिएको र प्रधानमन्त्रीले किन नहटाएको भन्दै प्रश्न गरेका हुन् ।  ‘मन्त्रीहरूको राजीनामा के ले रोकेको छ ? फागुन ६ गतेदेखि एउटै कुरा प्रतिपक्षले उठाइरहेको छ । तर सरकारको कानमा कसैले रुवा खाँदेको छ कि ?’, बाँस्कोटाले प्रश्न गर्दै भने, ‘प्रधानमन्त्री स्वयं आफैले बालकुमारी घटनाबारे बोल्नुभएको छ, अरू सुशासनबारे पनि बोल्नुभएको छ ।’ उनले प्रतिपक्षले उठाएका विषयमा सभामुख आफैले पनि बारम्बार रुलिङ गरे पनि अदेखा गरेको बताए । ‘तर सरकारको कानमा बतास लागेन ।’  उनले सुन्दर शब्दको आवश्यकता नभएको भन्दै मिटर ब्याज पीडितका लागि बनेको कानुन कार्यान्वयन नभएको, दूध किसानले मूल्य नपाएको भन्दै  कृषि मन्त्रालय के गर्दै छ ? भनेर प्रश्न समेत गरे ।

  1. सभामुखले संसद्को कारबाही सुरु हुन्छ, भन्नेवित्तिकै विपक्षी दलका सांसदहरू उठेर विरोध गरेका थिए । त्यसपछि सभामुख देवराज घिमिरेले बाँस्कोटालाई बोल्न समय दिएका दिएका थिए । त्यसपछि राप्रपाका सांसद राजेन्द्र लिङदेनले मिटर ब्याज पीडितका समस्या समाधान नभए आगामी बैठक अवरोध गर्ने चेतावनी दिए । लिङदेन बोलिसकेपछि पुन विपक्षी सांसदहरू आसनबाट उठेका थिए । त्यसपछि रास्वपाका सांसद रवि लामिछानेले बोल्न समय पाए । बैठकमा उनले मन्त्रीहरूका बारेमा उठेका प्रश्नको जवाफ दिन सरकारलाई के कुराले रोकेको छ भनेर प्रश्न गरे । साथै उनले मिटर ब्याज पीडितहरू २३ दिन हिँडेर काठमाडौँ आउनुपरेको भन्दै उनीहरूलाई हिँड्न कसले बाध्य पार्‍यो ? भनेर प्रश्न गर्दै सामन्तवादको अवशेष अझै कायमै रहेको बताए ।

प्रतिक्रिया दिनुहोस
प्रहरी महानिरीक्षकमा दिपक थापा

    सरकारले नवनियुक्त प्रहरी महानिरीक्षक (आईजीपी) दिपक थापालाई दर्ज्यानी चिन्ह प्रदान गरेको

माओवादी तत्काल सरकारमा नजाने

    नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’को सरकारमा रहेका पार्टीका प्रमुखसहित

लागू औषध नियन्त्रणका लागि सांसद तामाङको सरकारलाई कडा नीति अपनाउने आग्रह

    प्रतिनिधिसभा सदस्य तारा लामा तामाङले नेपालमा लागू औषध दुर्व्यसन बढ्दै गएको

यौन व्यवसायलाई कानुनी मान्यता दिनुपर्ने घिमिरेको अभिव्यक्तिप्रति आपत्ति

    नेकपा (माओवादी केन्द्र) की सांसद दुर्गा राईले नेपाली कांग्रेसका प्रमुख सचेतक