बालकुमारी घटनाको जिम्मेवारी गृहमन्त्रीले पनि लिनुपर्छ : योगेश भट्टराई
नेकपा एमालेले बालकुमारी घटनाको छानविन आयोगले सरकारलाई बुझाएको प्रतिवेदन संसद्मा बुझाउन माग गरेको छ । प्रतिनिधि सभाको बैठकमा बोल्दै सचिव योगेश भट्टराईले बालकुमारी घटनाको नैतिक जिम्मेवारी गृहमन्त्री नारायणकाजी श्रेष्ठले पनि लिनुपर्ने बताए । उनले भने, आयोगले बुझाएको प्रतिवेदनमा के छ, अहिले संसद चलिरहेको संसदमा आउनुपर्यो । यो कुरा प्रधानमन्त्रीले बताउनुपर्छ । उनले भौतिक पूर्वाधार मन्त्री प्रकाश ज्वालाको कारणले घटना भएको प्रतिवेदनमा उल्लेख भइसकेपछि पनि झण्डा हल्लाएर हिँड्न नमिल्ने बताए । यस्तै, टेरामक्स प्रकरणमा स्वास्थ्य तथा जनसंख्यामन्त्री मोहन बस्नेत र लुम्बिनीको जग्गा लिजमा दिएको प्रकरणमा पर्यटन मन्त्री सुदन किरातीको राजीनामा मागेको हो ।
