प्रचण्ड र माधवकै बिश्वासपात्र एमालेमा प्रवेश
सत्तारुढ नेकपा माओवादी केन्द्र र नेकपा एकीकृत समाजवादी पार्टी परित्याग गरी उदयपुरका दुई नेता नेकपा एमालेमा प्रवेश गरेका छन । एमाले उदयपुरले बुधवार जिल्ला पार्टी कार्यालयमा आयोजित कार्यक्रममा माओवादी केन्द्रका नेता राजेन्द्र भण्डारी र नेकपा एकीकृत समाजवादीका नेता नवराज कार्की एमाले प्रवेश गर्नुभएको हो । भण्डारी र कार्कीलाई एमाले केन्द्रीय सदस्य अम्बिका थापा, जिल्ला अध्यक्ष परमेश्वर घिमिरे, कोशी प्रदेश कमिटी सल्लाहाकार सदस्य बैकुण्ठनाथ दाहाललगायतका नेताहरुले पार्टीमा स्वागत गर्नुभएको थियो । भण्डारी र कार्कीले माओवादी र नेकपा एसको नेतृत्व मुलुक र जनताको हितबाहेक सवै काम गर्ने दिशामा गएको कारण आफूहरु एमालेमा आएको बताउनु भयो । उहाँहरुले प्रधानमन्त्री तथा माओवादी अध्यक्ष पुष्पकमल दाहाल प्रचण्ड र नेकपा एकीकृत समाजवादीका अध्यक्ष माधवकुमार नेपाल कम्युनिष्ट भन्न लायक नै नहरेको नश्कर्षमा आफूहरु पुगेको बताउनु भयो ।
पार्टी प्रवेश कार्यक्रमलाई सम्बोधन गर्दै केन्द्रीय सदस्य थापाले वर्तमान सरकार कुपोषण लागेको सरकार भएको बताउँदै यस सरकारबाट जनताले कुनै आशा गर्न गर्न नसक्ने बताउनु भयो । जिल्ला अध्यक्ष घिमिरेले माधव नेपाल, प्रचण्ड र शेरबहादुर देउवाको साठगाँठलाई मापसे सरकारको संज्ञा दिँदै उहाँले सरकारले जनताको मनोभावनाको प्रतिनिधित्व गर्न नसकेको बताउनु भयो । उहाँले बर्तमान सत्ता गठबन्धनको दलमा बसेर राजनीतिक हैसियत गुमाउनु भन्दा नेकपा एमाले जस्तो जनप्रिय पार्टीमा सकृय भएर हिड्नु गौरव हुने भएको बताउनु भयो । एमाले प्रवेश गर्ने भण्डारी प्रधानमन्त्री दाहाल र कार्की कुनै बेला अध्यक्ष नेपालका बिश्वासपात्र रहनुभएको थियो ।
