अमेरिकाबाट छोरी फर्काएर देखाउन लिङ्देनलाई रेखाको चुनौती

 

 

राष्ट्रिय प्रजातन्त्र पार्टीका अध्यक्ष राजेन्द्र लिङदेन र अभिनेत्री एवम् राप्रपाकै केन्द्रीय कार्यसम्पादन समिति सदस्य रेखा थापाबीच वार चलेको छ । शनिबार अध्यक्ष लिङ्देनले एक कार्यक्रममा रेखाप्रति लक्षित गर्दै अभिव्यक्ति दिएपछि रेखा आक्रोशित बन्नु भएको हो । रेखा हाल अमेरिकामा हुनुहुन्छ । उहाँ आफ्नो बच्चालाई जन्मदिन अमेरिका जानु भएको हो ।

यही सन्दर्भमा लिङदेनले ‘एक आमा आफ्नो सन्तानलाई नेपाली बनाउन नचाहेर अमेरिका पुग्दैछिन्’ भन्ने अभिव्यक्ति दिनुभएको थियो । अध्यक्ष लिङदेनलाई सामाजिक सञ्जालमार्फत जवाफ फर्काउनुहुँदै रेखाले ‘देशको माया हुनेले आफ्नो सन्तान नेपाल फिर्ता बोलाए हुन्थ्यो ! अमेरिकामा किन राखेको ?’ भन्दै लेख्नु भएको छ । लिङ्देनकी छोरी अध्ययनका लागि अमेरिकामा हुनुहुन्छ ।