सिन्धुलीमा महिलालाई तीन दिन पोलमा बाँधेर कुटपिट, ७ जना पक्राउ



 

 

सिन्धुलीमा एक महिलामाथि तीन दिन पोलमा बाँधेर निर्धात कुटपिट भएको घटना सार्वजनिक भएको छ । कमलामाई नगरपालिका–४, की शारदा थापालाई स्थानीयले तीन दिन पोलमा बाँधेर कुटपिट गरेका हुन् । शारदाका श्रीमान सन्तोष थापासँगको लेनदेनको विषयलाई लिएर स्थानीयले शारदामाथि निर्घात कुटपिट गरेका हुन् । प्रहरीले अहिले शारदालाई उद्वार गरी सेफ हाउसमा राखेको छ । कुटपिटबाट उनी राम्रोसँग बोल्न सक्ने स्थितिमा नरहेको प्रहरीले जनाएको छ ।

उद्वारपछि उनको स्वास्थ्यमा सुधार भइरहेको छ । प्रहरीले शारदाका श्रीमान सन्तोषसहित सात जनालाई पक्राउ गरेको छ । जिल्ला प्रहरी कार्यालय, सिन्धुलीबाट करिब ३ किलोमिटरको दूरीमा स्थानीय शारदा थापामाथि अमानवीय व्यवहार भएको सूचना पाएपछि आइतबार प्रहरी प्रमुख एसपी राजकुमार सिलवाल नेतृत्वको टोली गाउँमा पुगेको थियो । प्रहरीका अनुसार, उनका श्रीमान् सन्तोष थापाले गाउँका केही व्यक्तिहरुसँग ऋण लिएका थिए । पहिले जग्गाको कारोबार गर्ने उनको पछिल्लो समय कारोबारमा समस्या आएको थियो । त्यहीबेला श्रीमती शारदाले पनि डिभोर्स गर्नलाई अदालतसम्म पुगेकी थिइन् । शारदा केही समयदेखि काठमाडौं बस्दै आएकीमा उनी डिभोर्सकै लागि गाउँ पुगेकी थिइन् ।

केही दिनअघि पनि शारदाले आफूलाई श्रीमानले अपहरण गरेको भन्दै प्रहरी कहाँ जानकारी गराएकी थिइन् । आफूलाई सिस्नु पानीले हान्ने गरेको समेत उनले प्रहरीलाई बताएकी थिइन् । तर, त्यसपछि उनको मोबाइल समेत अफ भएको थियो । ‘उजुरी गलत रहेछ कि क्या हो भन्ने भइरहेको थियो, अरु माध्यमबाट बुझ्ने प्रयास गरिरहेका थियौं’, सिलवालले भने, ‘त्यहीबेला उहाँकी दिदी आएर कुटपिट गरिरहेको भनेपछि म आफैं त्यहाँ पुगेको थिएँ । प्रहरीका अनुसार, यो घटनामा पक्राउ परेकामध्ये कोही स्थानीय स्तरमा राजनीतिमा संलग्न व्यक्तिसमेत छन् । यद्यपि, हालसम्म प्रहरीले उनीहरुको नाम सार्वजनिक गरेको छैन । शारदाको नाममा केही सम्पत्ति रहेकाले ‘उनको नाममा भएको सम्पत्तिबाट भए पनि असुल गर्ने भन्दै श्रीमानकै मिलेमतोमा उनीमाथि कुटपिट भएको पाइएको प्रहरीको प्रारम्भिक अनुसन्धानले देखाएको छ ।

प्रतिक्रिया दिनुहोस
विद्या भण्डारीको सदस्यता नवीकरण भएको छैन : संगठन विभाग सचिव ढुंगेल

    पूर्वराष्ट्रपति विद्यादेवी भण्डारी पार्टीको नेतृत्वमा आउनसक्ने आँकलनसहित सार्वजनिक पछिल्ला विषयलाई लिएर

५ लाखसम्मको बचत फिर्ता गराउनेबारे समितिमा छलफल

    सहकारी संस्था बचत रकम संसदीय छानबिन विशेष समितिले सहकारी मन्त्रालय, सहकारी

सहकारी ठगी प्रकरण : छलफलमा संसदीय छानबिन समिति

     सहकारीको रकम अपचलनको विषयमा छानबिन गर्न गठित संसदीय विशेष समितिको बैठक

मुगुको गमगडिमा प्रभु बैंकको ३०६ औ शाखा सञ्चालनमा

      प्रभु बैंक लिमिटेडले आफ्नो शाखा सञ्जाल विस्तार गर्ने क्रममा मिति