त्रिभुवन विश्वविद्यालयले बनायो विश्व कीर्तिमान

 

 

त्रिभुवन विश्वविद्यालयले विश्व कीर्तिमान कायम गरेको छ । सोमबार दशरथ रंगशालामा आयोजित त्रिविको ४९ औं दीक्षान्त समारोहमा सबैभन्दा धेरै विद्यार्थी सहभागी गराएर त्रिविले कीर्तिमान बनाएको हो । दीक्षान्त समारोहमा २६ हजार भन्दा बढी विद्यार्थी दीक्षित भएका छन् । एकैपटक हालसम्मकै सबैभन्दा धेरै विद्यार्थीलाई दीक्षित गराएको भन्दै अफिसियल वर्ल्ड रेकर्ड एसोसिएसन (ओडब्लुआर) ले कीर्तिमानको प्रमाणपत्र प्रदान गरेको छ ।