भागबन्डाको राजनीति छोडेर जनताको काम गर्न ज्ञवालीको आग्रह



 

 

नेकपा एमाले उपमहासचिव प्रदीपकुमार ज्ञवालीले सबै दलहरू राजधानीमा बसेर भागबन्डाको राजनीतिमा रमाउनुभन्दा जनताको माझमा आउन आग्रह गरेका छन् । गाउँमा सम्भावना र स्रोतहरू भए पनि नीति निर्माताको नजर नपरेको उल्लेख गर्दै उनले देश बनाउन सबै दलहरू स्वस्थ प्रतिस्पर्धामा आउनुपर्ने बताए । उनले भने, ‘सबै दलहरूलाई आग्रह गर्दछु । राजधानीमा बसेर भागबन्डाको राजनीति गर्नुभन्दा पनि जनताको माझमा आउनुहोस् । स्वस्थ प्रतिस्पर्धा गरौँ । युवा केन्द्रित कार्यक्रम ल्याउन जरुरी देखियो । सत्ता पक्ष र प्रतिपक्ष दुवैले । नत्र गाउँहरू रित्तिने अवस्था देखियो । झुलाघाट-चिवाभन्ज्याङ अभियानले एमालेको जनाधारलाई मजबुत बनाउन सहयोग गरेको उल्लेख गर्दै ज्ञवालीले देश बनाउन एमालेबाहेक अर्को शक्ति देशमा नभएको बुझाइ जनतामा रहेको दाबी गरे । जनताले नेताहरूको कार्यशैलीमा सुधार गर्दै जनप्रतिनिधि नजिक भएको हेर्न चाहेको सुझाव जनताबाट आफूहरूले पाएको उनले बताए ।
पहिचानवादीहरूतर्फ संकेत गर्दै उनले हिंसाबाट पहिचान नबन्ने बताए । भारतको मणिपुरलगायत द्वन्द्वग्रस्त क्षेत्रको उदाहरण दिँदै उनले समाजमा तिक्तता बढाउने भन्दा पनि समाज निर्माणका लागि सबैले हातेमालो गर्नुपर्ने बताए ।

प्रतिक्रिया दिनुहोस
एमालेले बोलायो संसदीय दलको बैठक

     नेकपा एमालेले संसदीय दलको बैठक बोलाएको छ । पार्टी अध्यक्ष तथा

नक्कली भौचर दिएर माछापुच्छ्रे बैंकका कर्मचारीद्वारा लाखौं रकम झ्वाम

    रुपन्देहीको मर्चवारस्थित माछापुच्छ्रे बैंकको शाखारहित सेवा केन्द्रका कर्मचारीले दर्जनौं बचतकर्ताको रकम

मकवानपुर थानाभर्‍याङको तेस्रो ठूलो सबस्टेसन सञ्चालनमा

    प्रधानमन्त्री पुष्पकमल दाहाल ‘प्रचण्ड’ ले ४०० केभीको हेटौंडा सबस्टेसन उद्घाटन गरेका

जवाफ दिन सरकारलाई सभामुखको रूलिङ

     सभामुख देवराज घिमिरेले सदनमा उठेको विषयमा जवाफ दिन सरकारको रुलिङ गरेका