नागढुंगाबाट दुई किलो सुन बरामद, तीनजना पक्राउ

हाम्रो इकोनोमि

 

 

काठमाडौं प्रवेश गर्ने नागढुंगामा पनि प्रहरीले दुई केजी सुन बरामद गरेको छ । उपत्यका अपराध अनुसन्धान कार्यालय, काठमाडौंको टोलीले दुई केजी सुनसहित तीनजनालाई पक्राउ गरेको हो । रसुवा नाका हुँदै तस्करी गरेर ल्याइएको सुन सूचनाका आधारमा बरामद गरिएको प्रहरीले जानकारी दिएको छ । पक्राउ पर्नेहरूको नाम खुलाइएको छैन । यसअघि गएराति त्रिभुवन विमानस्थलबाट १४ किलो सुन बरामद गरिएको थियो भने त्यसअघि पनि प्रहरीले काठमाडौंको न्यूरोडस्थित एक कारखानामा छापामारी झण्डै आठ केजी सुन बरामद गरेको थियो ।