न्यूरोडबाट तस्करीको ८ किलो सुन बरामद
काठमाडौंको न्यूरोडमा तस्करीको सुन गाल्ने एक कारखानामा प्रहरीले छापा मारेको छ । काठमाडौं उपत्यका अपराध अनुसन्धानको टोलीले गएराति कैलालीका पदम पाण्डेले सञ्चालन गरेको ओम पर्ल गोल्ड प्रालिमा छापा मारेको हो ।
प्रहरीले कारखानाका सञ्चालक ४१ वर्षीय पाण्डेलाई पक्राउ गरेको छ । यसैबीच प्रहरीले कारखानाबाट आठ किलो सुन पनि बरामद गरेको छ । केही सुन ढिक्कामा छन् भने केही गहना रहेको प्रहरीले जानकारी दिएको छ ।