एमाले वरिष्ठ उपाध्यक्ष पोखरेलले लगाए भाइटीका
नेकपा (एमाले)का वरिष्ठ उपाध्यक्ष ईश्वर पोखरेलले भाइटीका ग्रहण गरेका छन् । नेता पोखरेलले शुभसाइतमा दिदी मेनका पौडेलको हातबाट भाइटीका लगाएको उनको सचिवालयले जनाएको छ । नेता पोखरेलले दिदी मेनुकालाई पनि शुभसाइतमा टीका लगाइदिए । पूर्वउपप्रधानमन्त्री समेत रहेका पाखरेलले भाइटीका लगाएको तस्वीर सामाजिक सञ्जाल फेसबुकमा शेयर गरेका छन् । उनले अहिले अनुकुल समयमा मात्र नभइ अत्यन्त प्रतिकुल समयमा पनि, भूमिगत भएर कामगर्दा पनि दिदीको हातबाट टिका लगाउँदै आएको सम्झिएका छन् ।
नेता पोखरेलले फेसबुकमा लेख्दै भनेका छन्, ‘आज मेनका दिदीको हातबाट टीका लगाइयो ! अहिले अनुकुल समयमा मात्र होइन, अत्यन्त प्रतिकुल समयमा पनि, भूमिगत भएर कामगर्दा पनि, दिदीको हातबाट टीका लगाउँदै आएको छु । मेरी दिदी मेरा लागि प्रेरणाकी स्रोत हुनुहुन्छ !’
