कैलाश ढुंगेल र कृष्ण दाहालको प्यानल बन्दै, सबै पदमा निर्वाचन हुने



 

 

 

नेकपा एमाले बागमती प्रदेश कमिटीको नयाँ नेतृत्वका लागि अन्ततः सबै पदमा निर्वाचन हुने भएको छ । अध्यक्ष पदमा ५ जना प्रत्याशी रहेकोमा सानुकुमार श्रेष्ठ र केशव पाण्डेको उम्मेदवारी फिर्ता गराउन पार्टी नेतृत्वले पहल गरिरहेको छ । श्रेष्ठ र पाण्डेलाई केन्द्रीय कमिटी सदस्यमा मनोनयन गर्ने र महत्त्वपूर्ण जिम्मेवारी दिने समझदारी भएको बताइएको छ । श्रेष्ठ यसअघि नै पोलिटब्युरो सदस्य थिए, बागमतीको सभामुख भएका कारण उनी पार्टीको जिम्मेवारीबाट बाहिर रहेका कारण पछिल्लो केन्द्रीय कमिटीमा थिएनन् । पाण्डे यसअघिको अध्यक्ष हुन् । अध्यक्षमा उम्मेदवारी दिएका मध्ये रामेछापका कैलाश ढुंगेल र मकवानपुरका कृष्ण प्रसाद दाहालबीच मुख्य प्रतिस्पर्धा हुने भएको छ । रामेछापकै केशर बुढाथोकी पनि मैदानमा छन् ।

ढुंगेललाई पार्टीको केन्द्रीय कार्यालयले सर्वसम्मत अध्यक्ष बनाउन खोजे पनि सहमतिको प्रयास असफल भएको छ । व्यक्ति तोकेर सहमति नहुने भन्दै दाहालले कार्यकर्ताको निर्णय मान्ने बताएका छन् । महासचिव शंकर पोखरेल, उपमहासचिव प्रदीप ज्ञवाली, विष्णु रिमाल, प्रदेश इन्चार्ज गुरु बराललगायतले गरेको सहमतिको प्रयास असफल भएपछि अब अध्यक्षका दुवै उम्मेदवारले पदाधिकारीमा आ आफ्नो प्यानल बनाउने तयारी गरेका छन् ।

पार्टीले घोषितरुपमा प्यानल नबनाउन भने पनि जित्न र ब्लक मत तान्नका लागि प्रभावशाली नेताहरूको पहलमा प्यानल बनिरहेको छ । आजै नेतृत्वको लागि मतदान हुनुअघि लिस्ट बनाएर मतदातालाई बाँड्न लागिएको छ । ढुंगेलको प्यानलबाट उपाध्यक्षमा चितवनका दावा दोर्जे लामा,सचिवमा सिन्धुपाल्चोकका हस्त पण्डितलाई अघि सार्न खोजिएको छ । त्यस्तै दाहालको प्यानलबाट उपाध्यक्षमा नुवाकोटका पूर्व सांसद नारायण खतिवडा र सचिवमा ललितपुरका पूर्व सांसद नवराज सिलवाललाई व्यवस्थापन गर्न खोजिएको स्रोतले जनाएको छ । यद्यपि ईश्वरचन्द्र पोखरेललाई ढुंगेल प्यानलको उपाध्यक्ष उम्मेदवार बनाउन आनन्द पोखरेलले प्रयास गरिरहेका छन् । नारायण खतिवडा वा पोखरेलमध्ये एकजनालाई दाहाल प्यानलबाट पनि व्यवस्थापन गर्ने प्रयास छ ।

सचिवमा धादिङका डा. रामकुमार अधिकारी र काठमाडौंकी रत्न गुरुङ पनि उम्मेदवार छन् । त्यस्तै उपाध्यक्षमा मकवानपुरका सुभासचन्द्र ठकुरी र भक्तपुरका राजेन्द्र राजथला पनि उम्मेदवार छन् । त्यस्तै डबल पाण्डेलाई उपसचिव उम्मेदवार बनाउन पार्वत गुरुङको प्रयास छ । उपसचिवमा रित ढकाल गौतमलाई दुवै प्यानलको साझा उम्मेदवार बनाउन गोकुल बास्कोटाले पहल गरेका छन् । पूर्व माओवादी धारबाट उनलाई सर्वसम्मत बनाउने प्रयास भने सफल भएको छैन । उपसचिवमा खड्ग खत्री,रिता ढकाल गौतम, राजेन्द्र श्रेष्ठ, प्रेम महर्जन, रमेश महर्जन, गंगादेवी श्रेष्ठ, डबल पाण्डे, टासी लामा, भक्तकुमारी लामा, ओमराज पन्त, ठाकुर गजुरेल, कृष्णहरी थापा उम्मेदवार छन् । महिला र खुला २ उपसचिवमा दुवै पक्षले आधिकारिक उम्मेदवार तय गरिसकेका छैनन् । प्रदेश कमिटी सदस्यहरूमा आ आफ्नो जिल्लाको कोटाबाट सर्वसम्मत चयन गर्ने प्रयास पनि सफल भएको छैन । दाबेदारहरू धेरै भएकाले निर्वाचन नै हुने अवस्था आएको नेताहरूको भनाइ छ ।

प्रतिक्रिया दिनुहोस
राष्ट्रिय स्वतन्त्र पार्टीको चियापानमा नेताहरुको भिडभाड

    राष्ट्रिय स्वतन्त्र पार्टीले आज दोस्रो स्थापना दिवस मनाएको छ । पार्टी

१३ खर्ब नाघ्यो वैदेशिक व्यापार घाटा

    चालू आर्थिक वर्षको ११ महिनामा नेपालको आयात र निर्यात दुवै घटेको

जेठ महिनामा ४१ अर्ब १९ करोड राजश्व संकलन

    आन्तरिक राजश्व विभागको राजश्व संकलनमा वृद्धि भएको छ । विभागको तथ्याङ्कअनुसार

पार्टी जोगाउन बोल्ड निर्णय चाहिन्छ : रास्वपा

     राष्ट्रिय स्वतन्त्र पार्टीका सभापति रवि लामिछानेले पार्टीको उद्देश्य स्पष्ट भए पनि