मधेशमा मुख्यमन्त्री र देशको प्रधानमन्त्री एमालेको हुनुपर्छ : योगेश भट्टराई

 

 

नेकपा एमालेका नेता योगेश भट्टराईले अगामी निर्वाचनमा एमालेले प्रदेश र संघको नेतृत्व गर्नेगरी संगठन निर्माणमा लाग्न आह्वान गरेका छन् । धनुषाको शहीदनगर नगरपालिका ६ मा शहिद रामनारायण मण्डल ९मुरबल०को २८ औं स्मृति दिवसमा बोल्दै नेता भट्टराईले यस्तो आह्वान गरेका हुन् । उनले महान शहीद मुरबलले देखाएको बाटोमा अविचलित ढंगले संगठन निर्माणमा लाग्नुपर्ने बताए । उनले अघिल्लो चुनावमा कुनै दलले बहुमत नल्याएकै कारण अहिले प्रदेश र संघ सरकार भ्रष्टाचारको अखाडा बनेको टिप्पणी गरे । उनले भने, ‘संगठन निर्माणमा लागौं । ०८४ को चुनावमा मधेशमा मुख्यमन्त्री र देशको प्रधानमन्त्री एमालेको बन्नुपर्छ । संविधान बनेको ९ बर्ष वितिसकेको छ’, उनले भने, ‘धेरै राजनीतिक अधिकार जनताले पाएका छौं । अझ पनि नेपाली जनताको भोको पेट कायम छ । जुत्ता चप्पल धेरै नेपालीले लगाउन पाएको छैन । राम्रो स्कूलमा शिक्षा र राम्रो उपचार पाएको अवस्था छैन । यी समस्याहरु पनि समाधान हुनुपर्छ । एमालेले प्रदेश र संघमा १० वर्ष नेतृत्व गर्दा देशको कायापल हुने उनले बताए । संविधान र कानूनले सम्पूर्ण नेपालीलाई नागरिकताको अधिकार दिए पनि कतिपय दलले भ्रम सिर्जना गर्न खोजेको उनको दाबी थियो ।