नेकपा एमालेका अध्यक्ष केपी शर्मा ओलीले असोज तीनको मर्निङ वाक सेल्फी वीथ नेशनल फ्ल्याग भन्दै सवैलाई निम्तो दिनुभएको छ । जनताको हक अधिकार लेखिएको संबिधान जारी भएको दिन असोज तीनलाई जनस्तरबाट मनाउन एमालेले असोज ३ गते बिहान ७ बजे नक्सालको नारायणचौरमा भेला भएर चन्द्र र सूर्यसँग सेल्फी भन्ने नाराका साथ बिशेष कार्यक्रम आयोजना गरेको छ ।
पार्टीको झण्डा प्रयोग नगरी राष्ट्रिय झण्डाको मात्रै प्रयोग गरेर एमालेले कार्यक्रम सवै नेपालीको भएको सन्देश दिएको छ । सोही बिषयमा अध्यक्ष ओलीले आज आफ्नो फेसबुकमार्फत एउटाभिडियो सार्वजनिक गर्दै असोज तीनको मर्निङ वाक, सेल्फी वीथ नेशनल फ्ल्याग भन्दै अपिल गर्नुभएको हो ।
