सरकार कतिञ्जेल टिक्छ मतलब छैन : प्रधानमन्त्री
प्रधानमन्त्री पुष्पकमल दहालले आफुलाई सरकार कतिन्जेल टिक्छ भन्नेमा चिन्ता नभएको बताए । विराटनगरमा समाजवादी मोर्चा नेपालले आयोजना गरेको सन्देश सभामा बोल्दै उनले भुटानी शरणार्थी, ललिता निवास काण्ड र सुन प्रकरणमा सरकार भ्रस्टाचारको विरुद्धमा लागेको बताए । उनले सरकार भ्रष्टाचार र भ्रष्टाचारीको विरुद्वमा लागे पनि केही तत्व सरकारको विरुद्ध लागेकाले सरकार कतिञ्जेल टिक्छ भनेर प्रश्न उब्जिएको बताए । उनले भने, ‘सरकार कतिञ्जेल टिक्छ भन्ने मतलब छैन भ्रष्टाचारको विरुद्व अन्तिम समय सम्म लड्ने छु । उनले आफुले गरेको एक्सनबाट केही नयाँ कुरा गर्न खोजेको बताए । उनले सामाजिक न्ययको लाीग देश बाहिर रहेका युवाहरुका लागि सामाजिक सुरक्षा कोषमा आवद्व हुने निर्णय गरेको बताए ।
उनले भने, ‘अहिले ३ लाख विदेशमा रहेका युवाहरु सामाजिक सुरक्षा कोषमा आवद्ध भएका छन् । अब ३ वर्षमा २५ लाख विदेशमा रहेका युवाहरु कोषमा आवद्व हुने छन् यो समाजवादको भ्रुण रोपिएको हो । मिटर ब्याजको समस्या समाधान गर्न आफुले मिटरब्याजी सम्बन्धी कानून ल्याएको बताउँदै उनले आफुले नै लामो समयदेखि रहेकोब नागरिकताको समस्या समाधानको प्रयास गरेको बताए । उनले सरकार विगतको जस्तो निरन्तर मात्रै नभएको बताए । उनले विगतको सरकारले भन्दा विलकुलै फरक र नयाँ काम गरेको बताए ।
