जेभियर इन्टनरेशनल कलेजको नयाँ प्रयोग, विद्यार्थीलाई शपथ, स्वागत र अभिमुखीकरण
उच्च शिक्षाको ढोकाभित्र पसेका विद्यार्थीलाई उनीहरूको आगामी गन्तव्य र पठन संस्कृतिबारे प्रतिबद्ध बनाउन जेभियर इन्टनरेशनल कलेजले नयाँ प्रयोग थालेको छ । कलेजमा ११ कक्षा अध्ययनका लागि भर्ना भएका विद्यार्थीहरूको पठनपाठन सुरू हुनुअघि शपथग्रहण तथा अभिमुखीकरणसहित स्वागत कार्यक्रम आयोजना गरेर जेभियरले नयाँ प्रयोग थालेको हो । कमलादीस्थित एकेडेमी हलमा करिब १५ सय विद्यार्थीको स्वागत तथा शपथग्रहण र अब के पढ्ने र कसरी पढ्ने भन्नेबारे अभिमुखीकरण आयोजना गरिएको कलेजका प्रिन्सिपल दिपेन दाहालले बताए ।
यस वर्ष जेभियर इन्टरनेशनल कलेज स्थापनापछिकै सबैभन्दा बढी १५ सय विद्यार्थी कक्षा ११ मा भर्ना भएको उनले जानकारी दिए । तीमध्ये ७ जना जीपीए ४ ल्याउने सर्वोत्कृष्ट विद्यार्थीसमेत छन् । उनले जेभियरको इतिहासकै सबैभन्दा बढी विद्यार्थी भएको वर्षको रुपमा लिएर नयाँ ढंगले विद्यार्थीमा अभिमुखीकरण गरिएको बताए । यसक्रममा विभिन्न सांस्कृतिक तथा रचनात्मक कार्यक्रमहरू समेत गरिएका थिए । कालोपुलस्थित जेभियर इन्टरनेशनल कलेजमा ए लेभलसहित विज्ञान,व्यवस्थापन, मानविकीलगायतका संकायको अध्ययन हुन्छ ।
