विकास बजेट खर्चमा चाँगुनारायण नगरपालिका एक नम्बरमा
देशभरका स्थानीय तहको नजर पर्ने काठमाडौं उपत्यकाका स्थानीय तह विकास निर्माणमा केन्द्रीकृत पुँजीगत खर्चमा निकै कमजोर देखिएको छन् । पुँजीगत बजेट खर्चमा स्थानीय तहहरू पनि संघीय सरकारजस्तै कमजोर देखिएका छन् । आर्थिक वर्ष ०७९।८० मा उपत्यकाका २१ स्थानीय तहमध्ये पनि काठमाडौं महानगरपालिकाको पुँजीगत खर्च अत्यन्तै कमजोर देखिएको छ । उपत्यकाका स्थानीय तहको विकास बजेट खर्चमा चाँगुनारायण नगरपालिकाले धेरै राम्रोकाम गरेको छ ।उपत्यकाका स्थानीय तहको विकास बजेट खर्चमा चाँगुनारायण नगरपालिका एक नम्बरमा छ । उपत्यकाका २१ स्थानीय तहमध्ये गत आवमा सबैभन्दा धेरै चाँगुनारायण नगरपालिकाले विकास बजेट खर्च गर्न सफल भएको छ । चाँगुनारायण नगरपालिकाले आर्थिक वर्ष सुरु हुनेबित्तिकै उपभोक्ता समिति सक्रिय बनाएर काम थालेकाले विकास बजेट धेरै खर्च भएको हो ।
चाँगुनारायण नगरपालिकाका मेयर जिबन खत्रीका अनुसार स्थानीय तहमा धेरैभन्दा धेरै काम उपभोक्ता समिति मार्फत हुने हुनाले समितिलाई सक्रिय बनाउँदै नियमनमा ध्यान दिएको कारण विकास निर्माणमा सफल भएको बताउदछन् । यस बर्ष चाँगुनारायण नगरपालिकाले एक अर्ब ३३ करोड ७२ लाख विकास बजेट विनियोजन गरेको थियो । जसमध्ये १ अर्ब ६ करोड ५५ लाख अर्थात् ७९.६९ प्रतिशत खर्च भएको छ । उपत्यकाका स्थानीय तहमध्ये सबैभन्दा धेरै भक्तपुरको चाँगुनारायण नगरपालिकाले ७९.६९ प्रतिशत रकम खर्च गरेको छ । कुल बजेट २ अर्ब १३ करोड ८३ लाख मध्य १ अर्ब ७३ करोड ७६ लाख खर्च भएको छ । कुल बजेटको ८१.२६ प्रतिशत रकम खर्चगर्न नगरपालिका सफल भएको हो । नगरपालिको मेयरमा जितेको एक बर्ष मै जिबन खत्रीले नगरपालिकाको बिकासमा ध्यान पुर्यएकै कारण यो संम्भव भएको हो । उनले दिनरात खटेर बिकास बजेटमा यति धेरै खर्च गर्न सम्भव भएका हुन ।
