नेपालको प्रधानमन्त्री बनाउन जनता तिर जाने कि दिल्ली तिर जाने : रघुजी पन्त
प्रधानमन्त्री पुष्पकमल दाहाल प्रचण्डको अभिव्यक्तिलाई लिएर नेकपा एमालेले प्रतिनिधिसभा बैठकमा आपत्ति जनाएको छ ।बैठक सुरू हुना साथ नेकपा एमालेका सांसद रघुजी पन्तले बोल्दै प्रधानमन्त्रीको अभिव्यक्तिले नेपालीको स्वाभिमानमा ठेस लागेको बताएका हुन् । उनले नेपालको प्रधानमन्त्री बनाउन नेपाली जनता तिर जाने कि दिल्ली तिर जाने ? भन्दै प्रश्न गरे ।
आज नेपालीहरूको मनमा बादल लागेको छ । स्वाभिमानमा ढेस लागेको छ । अरूबाट होइन सम्माननिय प्रधानमन्त्रीबाट नै । सम्माननिय पनि भनौँ कि नभनौँ लाग्छ । उहाँले किताव विमोचन गर्दा दिनुभएको अभिव्यकितले हाम्रो मनमा बादल लागेको छ । नेपालीको स्वाभिमानमा ढेड लागेको छ । नेपालीको मन रोएको छ । प्रधानमन्त्री बनाउन नेपाली जनता तिर जाने कि दिल्लीतिर जाने हो ? । प्रधानमन्त्री प्रचण्डले नैतिकताको आधारमा पदबाट राजीनामा दिनुपर्ने उनले माग गरे । प्रधानमन्त्रीले राजीनामा नदिएसम्म संसद चल्न नसक्ने उनले बताए ।
