प्रधानमन्त्रीको राजीनामा माग्दै एमालेद्धारा प्रतिनिधिसभा बैठक अवरोध
प्रतिनिधिसभाको बैठक आधा घण्टाका लागि स्थगित भएको छ । संसद सुरू हुना साथ प्रधानमन्त्री पुष्पकमल दाहाल प्रचण्डको अभिव्यक्तिलाई लिएर एमालेले उठेर विरोध गरेको थियो । त्यसपछि सभामुख देवराज घिमिरेले एमालेका सांसद रघुजी पन्तलाई बोल्न समय दिएका थिए ।
सांसद पन्तले प्रधानमन्त्रीको अभिव्यक्तिले नेपालीको स्वाभिमानमा ठेस लागेको भन्दै प्रधानमन्त्रीले राजीनामा दिनुपर्ने माग गरेका थिए । पन्त बोलिसकेपछि सभामुखले बस्न आग्रह गर्दा एमाले र राष्ट्रिय स्वतन्त्र पार्टीका सांसदहरूले उठेरै विरोध गरिरहेपछि बैठक स्थगित गरिएको हो ।
