यातायात ब्यबसायी आन्दोलनको तयारीमा

 

 

असारको पहिलो साता देखी काठमाडौं उपत्यका अशान्त हुन सक्ने प्रबल संभावना देखिएको छ । २७ बैशाख २०८० का दिन काठमाडौं महानगर पालिकाले सार्वजनिक गरेको सुचना कार्यन्बयनमा जाने हो भने त्यसको प्रतिबाद हुदा उपत्यकाको जन जिवन कष्टकर हुनेछ । काठमाडौंमा आयोजित यातायात ब्यबसायी र मजदुरहरूको संयुक्त कार्यक्रममा बोल्ने बक्ताहरूले उक्त उदघोष गरेका हुन । कार्यक्रमका प्रमुख अतिथि राष्ट्रिय यातायात ब्यबसायी महासंघका पुर्ब उपाध्यक्ष तथा अरनिको यातायातका अध्यक्ष केदार क्षेत्रीले श्रमिक ,ब्यबसायी र आमनागरिकलाई कठिन परिस्थितिमा धकेलेर बार्षिक न्यूनतम ८५ करोड ३१ लाख रूपिया एउटा बिचौलियालाई लाभ हुनेगरी का.म.न.पा.भित्रका केहि रैथाने कमिसनखोरहरूको डिजाईनमा आएको निर्णयका बिरूद्ध लाग्न आग्रह गरेका थिए ।

जापान सरकारको सहयोगमा निर्मित गंगबु बसपार्क बिचौलियाको कमाई अड्डा बनेकोमा खेद प्रकट गर्दै हस्तक्षेपकारी भुमिका निर्बाह गर्न तालुकदार अड्डा र सरकार संग आग्रह गरे । टिकट काउन्टर गंगबु बसपार्क बाहेक अन्यत्र राख्न नदिने निर्णय कार्यन्वयन भए जनताले अति सास्ती खेप्न पर्नेहुदा सबै नागरिक बिरूद्धमा उत्रिन र आन्दोलनलाई साथ दिन आग्रह गरे । नारायण भट्टराईको अध्यक्षतामा भएको कार्यक्रममा कान्छाराम तामाङ,जगन्नाथ गौतम,दिपक के.सी.,भिमज्वाला राई समेतले धारणा राखेका थिए । आन्दोलनलाई शशक्त र ब्यबस्थित गर्न केदार क्षेत्रीको संयोजकत्वमा आन्दोलन परिचालन कमिटी समेत बनेको छ ।