सन्दीपको पक्षमा माइतीघर मण्डलामा प्रदर्शन

हाम्रो इकोनोमि

 

 

क्रिकेटर सन्दीप लामिछाने न्यायका लागि युवाहरूले प्रदर्शन गरेका छन् । काठमाडौंको माइतीघर मण्डलामा मङ्गलवार भेला भएका युवाहरूले सन्दीपलाई चाँडो न्याय दिन माग गरेका छन् । अदालतमा विचाराधीन मुद्दाको किनारा चाँडो लगाउनुपर्ने उनीहरूको माग छ । लगातार पेसी सारिएपछि युवाहरू सडकमा उत्रिएका हुन् ।

यसैबीच सन्दीपविरुद्धको मुद्दाको फैसला मङ्गलवार पनि हुन सकेन । काठमाडौं जिल्ला अदालतका न्यायाधीश शंकरबहादुर राईको इजलासले पीडितले दायर गरेको अन्तरिम क्षतिपूर्तिसम्बन्धी निवेदनको टुंगो लागे पछिमात्र फैसला सुनुवाइ हुने बताएको हो । साथै मुद्दाको अन्तिम किनारा नलागेकाले विश्वकप छनोट अघि दक्षिण अफ्रिकामा हुने अभ्यास खेलमा सन्दीप सहभागी नहुने भएका छन् ।