माओवादीको ४ पटक प्रधानमन्त्री बन्दा शान्तिप्रक्रिया टुङ्गोमा पुर्याउन कसले रोक्यो : बास्कोटा
नेकपा (एमाले) का सांसद गोकुल बास्कोटाले माओवादीबाट चार पटक प्रधानमन्त्री बन्दा पनि शान्ति प्रक्रियालाई टुंगोमा पुर्याउन नसकेकोमा असन्तुष्टि व्यक्त गरेका छन् । मंगलबारको प्रतिनिधि सभा बैठकमा बोल्दै बास्कोटाले शान्ति प्रक्रियालाई टुंगोमा पुर्याउन कसले रोक्यो ? भन्दै प्रश्न गरे । बाबुराम भट्टराईदेखि प्रचण्डसम्म माओवादीको ४ पटक प्रधानमन्त्री बन्दा शान्तिप्रक्रिया टुङ्गोमा पुर्याउन कसले रोक्यो ?,’ बास्कोटाले प्रश्न गरे । यस्तै उनले नीति तथा कार्यक्रम परिणाम नदिने खालको रहेको टिप्पणी गरे ।
सरकारको नीति तथा कार्यक्रम कांग्रेसको आर्थिक नीति र माओवादीको कथित जनयुद्धको फ्युजनले कन्फ्युजनमा परेको खास प्रकारको, फरक क्षमता भएको व्यक्तिले हात्तीको काम छामेको जस्तो, मनचिन्ते झोलीजस्तो, जे खोज्यो त्यही पाउने खासमा केही पनि नभेटिने, न मूर्त, अमूर्त नै अमूर्त भएको दस्ताबेज भएको उनले टिप्पणी गरे ।
