सरकारलाई दिएको समर्थन फिर्ता लिन्छौ : रवि लामिछाने
राष्ट्रिय स्वतन्त्र पार्टी (रास्वपा)का सभापति एवं चितवन २ का उम्मेदवार रवि लामिछानेले सरकारलाई दिएको समर्थन कायम राख्नुपर्ने कुनै कारण नदेखिएको बताएका छन् । मंगलबार चितवन-२ को मतगणना स्थलमा पत्रकारहरुसँग कुरा गर्दै सभापति लामिछानेले सरकालाई दिएको समर्थन फिर्ता लिएर प्रतिपक्षमा बस्ने संकेत गरेका हुन् ।
चितवन-२ उपनिर्वाचनको जित नजिक पुगेका लामिछानेले सरकारलाई दिएको समर्थनको समिक्षा गरेर समर्थन फिर्ता लिने उल्लेख गरे । ‘त्यसको समिक्षा हुन्छ । अहिले मैले देखिरहेको छैन्, त्यसलाई कायम राख्नुपर्ने, त्यसको कारण देखिरहेको छैन् । र यसपछि हामी वार्ता गर्छौ ।’
उनले सरकारले भ्रष्टाचारको फाइल नखोल्ने निर्णय गरेको आरोप लगाउँदै सरकारलाई समर्थन दिनुको कुनै औचित्य नरहेको तर पनि वार्ता भने गर्ने बताए । सभापति लामिछानेले अहिलेको अवस्थामा सरकारलाई समर्थन गरेर सरकारमा जाने अवस्था नरहेको समेत स्पष्ट पारेका छन् ।
