संबैधानिक परिषदको बैठकमा जुटेन सहमति
प्रधानन्यायाधीश नियुक्तिको बारेमा छलफल गर्न बसेको संवैधानिक परिषद्को बैठक निष्कर्षविहीन बनेको छ । सिंहदरबारस्थित प्रधानमन्त्री तथा मन्त्रिपरिषद्को कार्यालयमा आज बसेको बैठक निष्कर्षविहीन भएको राष्ट्रियसभाका अध्यक्ष गणेश तिम्सिनाले बताउनु भयो । उहाँले अर्को बैठक बसेर टुंग्याइने बताइएपनि बैठक कहिले बस्ने टुंगो नलागेको उहाँले जानकारी दिनुभयो ।
बैठकमा प्रधानमन्त्री पुष्पकमल दाहाल, प्रमुख प्रतिपक्ष दलका नेता केपी शर्मा ओली, सभामुख देवराज घिमिरे, राष्ट्रिय सभा अध्यक्ष गणेशप्रसाद तिमिल्सिना, उपसभामुख इन्दिरा राना र उपप्रधान एवं कानूनमन्त्री पूर्णबहादुर खड्का सहभागी हुनुहुन्थ्यो ।
