धौलागिरी बेस क्याम्पमा हेलिकप्टर दुर्घटना
म्याग्दीको धौलागिरी बेस क्याम्पमा हेलिकप्टर दुर्घटना भएको छ । अवतरण गर्ने क्रममा एभरेष्ट हेलिकप्टर दुर्घटना भएको हो । बेस क्याम्पमा ल्याण्ड गर्ने क्रममा हेलिकप्टर दुर्घटनामा परेको पोखरा अन्तर्राष्ट्रिय विमानस्थल प्रमुख विक्रम गौतमले बताए ।
‘हेलिकप्टर दुर्घटना भएको छ । तर, पूर्ण विवरण आइसकेको छैन,’ गौतमले भने । उक्त हेलिकप्टर आइतबार बिहानदेखि सम्पर्कविहीन बनेको थियो । हेलिकप्टरमा पाइलटमात्र रहेको बुझिएको छ ।
