विश्वासको मत दिन्छौं, सरकारमा जान्छौं : देउवा
नेपाली कांग्रेसका सभापति शेरबहादुर देउवाले आफ्नो पार्टीले प्रधानमन्त्री पुष्पकमल दाहाल प्रचण्डलाई विश्वासको मत दिने बताएका छन् । प्रधानमन्त्री दाहालले आज प्रतिनिधि सभामा विश्वासको मतको प्रस्ताव पेश गरेका छन् । उक्त प्रस्तावमाथि छलफलमा बोल्दै देउवाले प्रधानमन्त्रीलाई विश्वासको मत दिने बताए । कांग्रेस संवाद, सहमति र एकतामा जोड दिन्छ । प्रधानमन्त्रीले राख्नुभएको प्रस्तावको पक्षमा मतदान गर्ने हाम्रो पार्टीले निर्णय गरेको छ,’ उनले भने, ‘हाम्रो पार्टी वर्तमान सरकारमा पनि सहभागी हुनेछ । उनले प्रधानमन्त्री दाहालले विश्वासको मत पाउने विश्वास पनि व्यक्त गरेका थिए । प्रधानमन्त्रीले वर्तमान चुनौती सामना गर्दै देश र जनताको हितमा काम गर्ने विश्वास पनि देउवाको छ ।
