किसानलाई एक बोरा मल उपलब्ध गराउन नसक्ने यो कसको सरकार हो : महेश बर्तौला
प्रमुख प्रतिपक्षी दल नेकपा एमालेले सरकारले मलको मूल्य बढाएकोप्रति असन्तुष्टि जनाएको छ । आज प्रतिनिधिसभाको बैठकमा बोल्दै एमालेका सचेतक महेश बर्तौलाले सरकारले किसानलाई समयमा मल उपलब्ध गराउन नसकेको बताउनुभयो ।
उहाँले सरकारलाई प्रश्न गर्दै भर्नुभयो, ‘यो सरकार कसको होरु कसको लागि काम गरिरहेको छ ? नेपालका किसानलाई समयमा एक बोरा मल समेत उपलब्ध गराउन नसक्ने यो सरकारले किसानको ढाड सेक्ने गरी, ढाड भाँच्ने गरी मलमा मूल्य वृद्धि गरेको छ । मलमा दिँदै आएको अनुदान कटौती गरेको छ । कहिलेबाट सरकारबाट किसानले यस खालको ज्यादतीपूर्ण अन्याय सहनुपर्ने हो ?’
उहाँले अव्यवस्थित बसोबासी र दलित भूमिहीनले लामो समयदेखि जग्गाधनी पूर्जा प्राप्त गर्न नसकेको बताउनुभयो । उहाँले प्रश्न गर्दै भन्नुभयो, ‘जग्गाधनी पुर्जा पाउनका लागि उनीहरूले कहिलेसम्म कुर्नुपर्ने हो रु म सरकारलाई प्रश्न गर्न चाहन्छु।’ उहाँले देशमा भएको बेरोजगारी समस्या समाधान गर्न सरकारसँग माग गर्नुभयो ।
