गठबन्धन पाँचै वर्ष जान्छ : अर्जुननरसिंह केसी
नेपाली कांग्रेसका सांसद अर्जुननसिंह केसीले सरकारमा कांग्रेसले कति मन्त्रालय दाबी गर्छ भन्ने कुरा अहिले भन्न सक्ने अवस्था नरहेको बताएका छन् । राष्ट्रपतिमा रामचन्द्र पौडेललाई समर्थन गर्ने ८ दलले सांसदलाई प्रशिक्षण कार्यक्रमअघि सञ्चारकर्मीसँग कुरा गर्दै उनले भने, ‘अहिले हामी मन्त्रालय दाबी गर्न कुरामा पुगेका छैनौँ । अन्य दलसँग छलफलपछि मात्रै कुरा टुंगो लाग्ला ।
उनले गठबन्धन शक्ति र सत्ताको लागि मात्रै नबनेको भएकाले टुट्छ भन्ने आशंक नगर्न आग्रह गरे । उनले गठबन्धन पाँचै वर्ष जाने दाबी गर्दै देउवा ७६ (३) को प्रधानमन्त्री बन्ने सम्भावना नरहेको जिकिर गरे । उनले सभामुखले प्रतिनिधि सभाको बैठक लामो समय स्थगित गरेकोप्रति असन्तुष्टि जनाए । उनले भने, ‘सभामुखले आफ्नो स्वविवेकको प्रयोग गरेर संसद् बैठक स्थगित गर्नुभएको छ । राजनीति दलसँग पनि परामर्श गरेरै गर्नुभएको होला। तर, यत्रो लामो समयसम्म संसद्को गतिविधि बन्द गर्नुभयो । त्यसलाई मैले उपयुक्त ठानेको छैन ।
