विभिन्न विकल्पमा छलफल जारी छ : माधव नेपाल
नेकपा एसका अध्यक्ष माधवकुमार नेपालले राष्ट्रपतिका विषयमा दलहरूसँग छलफल जारी रहेको बताएका छन् । सिंहदरबारमा प्रधानमन्त्री प्रचण्डसँगको भेटपछि उनले पुरानो गठबन्धन बिउँताउने तयारीबारे पत्रकारको जिज्ञासामा विभिन्न विकल्पमाथि छलफल भइरहेको बताए ।
‘विभिन्न विकल्पमाथि छलफल जारी छ । विभिन्न विकल्पमध्ये मुलुकको राजनीति र संविधानलाई जोगाउनका लागि भूमिका खेल्ने विकल्पमा टुंगो लाग्छ’, नेपालले भने । राष्ट्रपति निर्वाचनलाई लिएर पुरानो पाँचदलीय गठबन्धन बिउँताउने विषयमा नेताहरूको भेटघाट बाक्लिएको छ ।
