ज्ञानेन्द्रजीसँग अब के विषयमा सहकार्य गर्ने ? : ओली
नेकपा एमालेका अध्यक्ष केपी शर्मा ओलीले पूर्वराजा ज्ञानेन्द्र शाहलाई २४० वर्ष शासन गर्दा देश कहाँ पुर्याउनुभयो ? भनेर प्रश्न गरेका छन् ।विराटनगर विमानस्थलमा पत्रकारहरुसँग कुराकानी गर्दै ओलीले पूर्वराजा ज्ञानेन्द्र आफ्नो वरिपरि दुई चारजना मान्छे देखेपछि हौसिएको टिप्पणी गरे।
उनले भने, ‘ज्ञानेन्द्रजी आफैं अलमलमा हुनुहुन्छ। उहाँ अझैपनि पुरानो झल्को आइरह्न्छ । दुईचार जना मान्छे वरिपरि देख्यो भने उहाँलाई जोस्याउछ । त्यतिमात्रै हो । अरु केही होइन । उहाँहरुले २४० बर्षसम्म चलाउनुभएको होइन । के गर्नुभएको थियो ? देश कहाँ पुर्याउनुभयो ? ज्ञानेन्द्रजीसँग के बिषयमा सहकार्य गर्ने ?’ दुर्गा प्रसाईंलाई किन कारवाही गर्नुभएन भन्ने प्रश्नमा उनले भने, ‘पानीले आफ्नो लेवल आफैं मिलाउँदै जान्छ ।’
