प्रहरी विटमा काठमाडौं महानगरको डोजर
काठमाडौं महानगरपालिकाको नगर प्रहरीले मैतीदेवीचोकस्थित प्रहरी विटमा डोजर चलाएको छ । मंगलबार मध्यान्ह पुगेको नगर प्रहरीको टोलीले विटमा रहेका प्रहरीका सामान सार्न लगाएर डोजर चलाएको हो । महानगरपालिकाको टोलीले विट हटाउन आग्रह गरेपछि प्रहरीले आफ्नो सामान सारेका थिए । त्यसपछि महानगरपालिकाको डोजरले प्रहरी विट भत्काएको छ । मैतीदेवी चोकमा सडक र फुटपाथ मिचेर प्रहरीको विट निर्माण भएको थियो ।
महानगर प्रहरी प्रमुख राजु पाण्डेले प्रहरी विट अर्को ठाउँमा व्यवस्थापन गरेर मैतीदेवी चोकमा रहेको प्रहरी विट हटाउन लागिएको बताउनु भयो । ‘पाण्डेले सार्वैजनिक ठाउँमा प्रहरी बिट राख्दा राम्रो सन्देश नजाने महानगरको निश्कर्षका आधारमा हटाइएको बताउनु भयो । प्रहरी शान्ति सुरक्षाको लागि हो, त्यसैले प्रहरी विट हटाउने उद्देश्य त होइन, तर सार्वजनिक सडक पेटीहरुमा रहेका प्रहरी विट अर्को ठाउँमा व्यवस्थापन गरेर हटाउन लागेका छौं, नेपाल प्रहरी हाम्रो सहकार्यमा नै व्यवस्थापन गर्न लागेका हौं,’ पाण्डेले भन्नुभयो ।
