कांग्रेस पानीबिनाको माछाजस्तै छट्पटायो : केपी ओली
सत्तारुढ दल एमाले अध्यक्ष केपी शर्मा ओलीले सरकारबाहिर रहँदा पानीबिनाको माछाजस्तै नेपाली कांग्रेस छट्पटाएको बताउनुभएको छ । आइतबार बसेको प्रतिनिधिसभाको बैठकमा विशेष समयमा बोल्दै उहाँले सरकार बाहिर रहँदा कांग्रेस पानीबिनाको माछाजस्तै छट्पटाएको बताउनुभएको हो ।
संसदमा कांग्रेसले निभाएको भूमिकाप्रति आशंका उब्जाएका उहाँले आफूलाई प्रतिपक्षीको रुपमा कांग्रेसले स्वीकार्नसमेत नसकेको टिप्पणी गर्नुभयो । संविधान जारी भएपछि सातवटा प्रधानमन्त्री बनेको भन्दै उहाँले विगतजस्तै फेरि राजनीतिक अस्थिरता निम्त्याउन खोजेको आरोप लगाउनुभयो ।
