राष्ट्रपतिबारे समझदारीको कोसिस जारी राख्छौं : प्रधानमन्त्री
प्रधानमन्त्री पुष्पकमल दाहाल प्रचण्डले समझदारीमा राष्ट्रपति चयनको कोसिस गर्ने बताएका छन् । आज सभामुख निर्वाचनपछि सञ्चारकर्मीसित संक्षिप्त प्रतिक्रिया दिँदै उनले यस्तो बताएका हुन् । प्रधानमन्त्री प्रचण्डले सभामुखको निर्वाचनमा सत्ता साझेदार दलहरु एकै ठाउँ उभिएको बताए । पर्सि उपसभामुखको चुनाव पनि यही प्रक्रियाबाट हुने उनले जानकारी दिए ।
राष्ट्रपतिको विषयमा चाहीँ के हुन्छ ? भन्ने पत्रकारको प्रश्नमा उनले जवाफ दिए, ‘राष्ट्रपतिको कुरालाई अझै समय बाँकी छ । सत्ता साझेदार दलहरु र मैले पनि कुनै एउटा समझदारी बनिदिए हुन्थ्यो भन्नेतिर कोशिष छ । हामी त्यो कोशिष जारी राख्छौं ।’
