राष्ट्रपति हाम्रोमा पार्नेगरी लाग्छौँ : विश्वप्रकाश शर्मा
पाली काँग्रेसका महामन्त्री विश्वप्रकाश शर्माले काँग्रेसले ढोक्सा नथापेको स्पष्टीकरण दिएका छन् । बिहीबारको प्रतिनिधिसभा बैठकमा बोल्दै महामन्त्री शर्माले सरकारलाई समर्थन गरेर कांग्रेसले कुनै पनि ढोक्सा नथापेको दाबी गरे ।राष्ट्रपति निर्वाचनमा काँग्रेसले ढोक्सा नथापेको शर्माले बताएका हुन् । ‘हामीले ढोक्सा थापेका छैनौं, माछालाई जालमा पार्न कुनै योजना छैन,’ उनले भने, ‘तर माछा र ढोक्साको कथा हालेर कसिलो पिँजडा नबनाउन आग्रह गर्छु ’ शर्माले भने ।
कांग्रेसले कुनै ढोक्सा नथापेको उल्लेख गर्दै शर्माले उल्टै ओलीले उच्चस्तरीय संयन्त्रको नाममा प्रधानमन्त्रीलाई पिँजडामा राख्न खोजको तर्क गरे । कांग्रेसले माछा पर्छ भनेर ढोक्सा नथापेको बरु ओलीले नै माछा पर्ने पिँजडा कसिलो पारेका उनले बताए । त्यस्तै शर्माले सभामुख र शीतल निवासमा प्रतिपक्षीको उपस्थितिले जनताको मतको पनि प्रतिनिधित्व हुने र शक्ति सन्तुलन पनि हुने धारणा राखे । सांसद शर्माले पार्टीका संस्थापक नेता बिपी कोइरालाका अनुयायी न्यौपानेलाई सक्षय, योग्य र अनुभवका आधारमा सभामुख पदको उम्मेदवार बनाएको जिकिर गरे ।
नेपाली कांग्रेसका महामन्त्री विश्वप्रकाश शर्माले एमाले अध्यक्ष केपी शर्मा ओलीले सरकार गठनका लागि ढोक्सा थापेको टिप्पणी गरेका छन् । प्रतिनिधि सभाको निर्वाचनपछि उनले सञ्चारकर्मीहरुसँग कुराकानी गर्दै उनले यस्तो बताए । शर्माले भने, ‘पूर्वप्रधानमन्त्रीज्यूले हामीलाई ढोक्सा थापेको भन्नुहुन्थ्यो । तर, उहाँले चाहि थाप्नुभएको रहेछ । चुनावमा जाँदै गर्दा हामी एउटै गठबन्धन बनाएर गएका थियौं । १० गते ३ बजे सहमति नभए ५ बजेसम्ममा त हुन्थ्यो होला । हाम्रो बिचमा कुरा नमिलिरहेको बेलामा ढोक्सा कमरेड ओलीले थाप्नुभएको थियो । जसमा उहाँ सफल हुनुभयो ।’
जनताले सरकार र शितलनिवासको नेतृत्वको अपेक्षा गरेर नै कांग्रेसलाई पहिलो दल बनाएको जिकिर गरे । उनले भने, ‘अहिले हाम्रो सरकारमा जाने ध्यान छैन। तर, सबैभन्दा ठुलो दल भएकाले सभामुख, प्रधानमन्त्री या राष्ट्रपतिमा उम्मेदवारी दिने र बन्नेतर्फ लाग्नु सत्ताभित्रको साझेदारीको रुपमा बुझ्नुहुँदैन ।’ उनले राष्ट्रपतिको निर्वाचनमा परिणाम हासिल गर्नेगरी तयारी लाग्ने बताए ।
