उपप्रधानसहित ४ मन्त्रालयमा लिङ्देनको दाबी

हाम्रो इकोनोमि

 

 

राष्ट्रिय प्रजातन्त्र पार्टी राप्रपाले उपप्रधानमन्त्रीसहित ४ वटा मन्त्रालय आफूहरूले पाउनुपर्ने दाबी गरेको छ । सत्ता साझेदार दलका शीर्ष नेताहरूका बैठकमा राप्रपाले उपप्रधानमन्त्रीसहित ४ मन्त्रालयमा दाबी राख्दै आएको छ । एक÷दुई दिनभित्र प्रधानमन्त्री पुष्पकमल दाहाल प्रचण्डले मन्त्रिपरिषद विस्तार गर्दैहुनुहुनछ ।

राप्रपाले अध्यक्ष राजेन्द्र लिङ्देनकै नेतृत्वमा सरकारमा जाने तयारी गरेको छ।राप्रपाका एक पदाधिकारीले दिएको जानकारी अनुसार अध्यक्ष लिङ्देन उपप्रधानसहित ऊर्जामन्त्री हुने सम्भावना बलियो छ ।‘उपप्रधानसहित रोजेको मन्त्रालय दिन सत्ता साझेदार दल सहमत छन्, अध्यक्षज्यूले ऊर्जामन्त्रीमा चासो देखाउनुभएको छ,’ एक पदाधिकारी भन्नुभयो , ‘हामीले ४ मन्त्रालय दाबी गरेका छौं ।’ प्रतिनिधि सभामा राप्रपाका १४ जना सांसद छन् । प्रदेशहरूमा पनि राप्रपाका सांसद छन् । सत्ता साझेदार अन्य दल भने राप्रपालाई ३ मन्त्रालय दिन तयार देखिन्छन्।

‘हामीले बागमतीको मुख्यमन्त्री छाडिएको हो, त्यसकारण केन्द्रमा उपप्रधानसहित ४ मन्त्रालय पाउनुपर्छ,’ ती पदाधिकारीले भन्नुभयो । राप्रपाले बागमतीको सभामुख पाउने सत्ता साझेदार दलभित्र सहमति छ । त्यसका लागि राप्रपाले उम्मेदवारीसमेत दिइसकेको छ । बिहीबार बैठक गर्ने भने पनि राष्ट्रिय स्वतन्त्र पार्टीका सभापति रवि लामिछाने चितवन गएकोले बैठक सर्‍यो,’ ती नेता भन्छन्, ‘सत्ता साझेदार दल बैठक गरी कुन पार्टीले कति र कुन मन्त्रालय पाउने भन्ने टुंगो लगाएपछि मात्रै पार्टीले ककसलाई मन्त्रीमा पठाउने निर्णय गर्छ ।’