जनताले बजाएको घण्टीको आवाज सदन र सिंगो देशले सुन्नेछ : रवि लामिछाने
राष्ट्रिय स्वतन्त्र पार्टीका सभापति एवम् उपप्रधान तथा गृहमन्त्री रवि लामिछानेले आफूहरूलाई जनताले परिवर्तनको लागि मत दिएको बताएका छन् ।
मंसिर ४ को निर्वाचनपछिको पहिलो प्रतिनिधि सभाको बैठकलाई सम्बोधन गर्दै उनले भने, ‘नेपालको इतिहासमा राजनीतिक दलको उदय हुनु ठुलो कुरा होइन । हामीले जुन समयमा मत पाएका छौँ । त्यो दल र व्यक्तिलाई दिएको मत मात्रै होइन । यो मुलुकमा परिवर्तन आवश्यक छ भनेर जनताले बजाएको घण्टी हो। यो घण्टीको आवाजलाई सदन र सिंगो देशले सुन्नेछ।’
उनले आफूहरूले पाएको मत निराशाको नभएर आशाको मत भएको जिकिर गरे । जनताले आफूहरूलाई मात्तिने गरी र पुराना दलहरूलाई पनि सचेत हुने गरी मत दिएको बताए । अहिले जनमतअनुसार सरकार बनेको उनले बता ।
