माधव नेपालको समाजवादी पार्टीमा नयाँ लफडा
नेकपा एकीकृत समाजवादीका अध्यक्ष माधव नेपाल आफ्नै दलका बरिष्ठ नेता मुकुन्द न्यौपाने र सचिव रामकुमारी झाँक्रीबिरुद्ध आक्रोशित बन्नुभएको छ । दुई नेताले आफ्नो बिरोध र केपी ओलीको पक्षमा बोलेको भन्दै पोलिटब्यूरो बैठकमा नेपालले आक्रोश पोख्नुभएको हो । बैठकमा बोल्दै अध्यक्ष नेपालले पार्टीका नेताहरूलाई आफूलाई लागेको कुरा सार्वजनिक रुपमा नबोल्न निर्देशन समेत दिनुभएको छ ।
‘आफूलाई लागेको कुरा मिडियामा प्रचार गरेर पार्टी बन्दैन,’ नेपालको भनाई छ । केही समयअघि सचिव झाँक्रीले केपी ओली जस्तो नेता माधव नेपाल नरहेको बताउनु भएको थियो ।
‘अनुशासन तोड्ने अनि हाम्रै स्वर ठूलो हुने ? पार्टीको विरोध बाहिर गर्ने अनि हाम्रै स्वर ठूलो हुने ? आफ्नो नेताहरूको बद्ख्वाइँ गरेर अरु नेताको प्रशांसा गर्ने अनि आफ्नै स्वर ठूलो हुने ? यो तरिका बन्द गरौं । हामी नयाँ क्रान्तिकारी पार्टी बनाउन लाग्नुपर्छ,’ बैठकमा नेपालको भनाई थियो । नेपालले सबै कुरा पार्टी बैठकमा मात्रै छलफल गर्न पनि निर्देशन दिनुभएको छ ।
