प्रचण्डलाई देउवाले दिए बधाई
नेपाली कांग्रेसका सभापति तथा पूर्व प्रधानमन्त्री शेरबहादुर देउवाले नवनिर्वाचित प्रधानमन्त्री पुष्पकमल दाहाल ‘प्रचण्ड’ लाई बधाई दिएका छन् । देउवाले सोमबार बिहान प्रचण्डलाई फोन गरेर बधाई दिएका हुन् । यस्तै, कांग्रेसका अन्य नेताहरुले पनि प्रचण्डलाई फोन गरेर बधाई दिएका छन् ।
माओवादी केन्द्रका अध्यक्ष प्रचण्ड आइतबार प्रधानमन्त्रीमा नियुक्त भएका हुन् । सात दल र तीन स्वतन्त्र सांसदको समर्थनमा प्रचण्ड प्रधानमन्त्री बनेका हुन् ।
