३५ तोला सुन र २५ लाख नगद सहित डीएसपी ठगबहादुर पक्राउ

 

 

इलाका प्रहरी कार्यालयका प्रहरी नायब उपरीक्षक (डीएसपी) ठगबहादुर केसीलाई प्रहरीले पक्राउ गरेको छ । सुन कारोबारीबाट रकम असुलेको सूचनाका आधारमा प्रहरीले डीएसपी केसीलाई बुटवलस्थित निवासबाटै पक्राउ गरेको हो ।

काठमाडौंबाट खटिएको केन्द्रीय अनुुसन्धान ब्युरो सीआईबीको टोलीले उनको घरका घानतलासीका क्रममा ३५ तोला सुन र २५ लाख नगद पनि बरामद गरेको छ ।

डीएसपी केसीले गत मंसिरमा बुटवलका एक व्यापारीले ल्याएको सुन नियन्त्रणमा लिएर २५ लाख रुपैयाँ मागेको आरोप लागेको छ । पक्राउ परेका डीएसपी आजै सरुवा भएर जिल्ला प्रहरी कार्यालय कास्की जाने तयारीमा थिए ।