एमाले देखाएर वार्गेनिङ पावर बढाउँदै काँग्रेस –माओवादी
.
राष्ट्रपति विद्यादेवी भण्डारीले नयाँ सरकार बनाउन दिएको समयसीमा घर्कदैं गएका बेला राजनीति दलहरूमा सरगर्मी बढेको छ । सरगर्मीको केन्द्र भागमा रहेको छ नेकपा( एमाले) । एमालेकै हाउँगुजी देखाएर नेपाली कांग्रेस र नेकपा (माओवादी केन्द्र) एकअर्कालाई तर्साउन, धम्काउन र फकाउन ब्यस्त छन् ।
काँग्रेस र माओवादीमा प्रधानमन्त्रीमा मै पहिले भन्ने होड चलेको छ । दुवैले एमाले देखाएर एकअर्कालाई तर्साएर वार्गेनिङ गरिरहेका छन् । माओवादी अध्यक्ष प्रचण्ड जहिले उधारोले घाटा परेको भन्दै यसपटक हाताहाती खोजीरहनु भएको छ । उहाँ यसपटक जसरी पनि पहिले आफू प्रधानमन्त्री हुने दाउमा हुनुहुन्छ । सकेसम्म सत्तागठबन्धन नटुटाई त्यसैको जगमा प्रधानमन्त्री हुने नभए एमालेसँग मिलेर पनि प्रधानमन्त्री पहिले आफै हुने दुवै पक्षका नेताहरूको दाउ छ ।
काँग्रेस –माओवादी दुवै एमालेसँग मिलेर सरकार बनाउन चाहन्छन्, तर गठबन्धन टुटाएको दोष एकअर्काको टाउकोमा थुपारेर । काँग्रेस–एमाले मिल्दा सरकार बनाउन तेश्रो दल खोज्नु परेन त्यो सुविधा र सरकार दिगो हुने सम्भावना तर लोकतन्त्रका लागि दिर्घकालीनरुपमा यो घाटाको लेनदेन हुनेछ । माओवादी –एमाले मिल्दा समान विचारका पार्टीबीचको सहकार्य हुन्छ ।
यो प्राकृतिक हो, तर काँग्रेस –एमाले मिलेजस्तो होइन माओवादी र एमालेको मिलाई । माओवादी –एमाले मिल्दा सरकार बनाउन बहुमत पुर्याउन अन्य दलहरूको खाजी गर्नु पर्ने हुन्छ ।
