समानुपातिकतर्फ १९ लाख मत गन्दा एमालेको ५ लाख, सवैभन्दा पुछारमा नेकपा एस (सूचीसहित)
माधव नेपाल नेतृत्वको नेकपा एकीकृत समाजवादी पार्टीले प्रतिनिधिसभाको समानुपातिकतर्फ अत्यन्तै कम मत पाएको छ । निर्वाचन आयोगले अपडेट गरेको पछिल्लो तथ्यांकअनुसार हालसम्म १८ लाख ९२ हजार ६ सय ३५ मत मरिणाम आउँदा सो दलले जम्मा ३१ हजार ८ सय २४ मत मात्रै पाएको छ ।
आयोगका अनुसार झण्डै १९ लाख मत गन्दा नेकपा एमाले ४ लाख ९८ हजार ४ सय २ मतसहित पहिलो दल बनेको छ भने नेपाली कांग्रेस ४ लाख ६३ हजार ९४१ मतसहित दोस्रो बनेको छ । यसैगरी राष्ट्रिय स्वतन्त्र पार्टी २ लाख ५७ हजार ६ सय ३२ मतसहित तेस्रो स्थानमा रहेको छ ।
यस्तै नेकपा माओवादी केन्द्र २ लाख २५ हजार ८३९ मतसहित चौथो, राप्रपा १ लाख ३५ हजार २४२ मतसहित पाँचौं र जनता समाजवादी पार्टी ५७ हजार १ सय १६ मतसहित छैटौं स्थानमा रहेको छ ।
सातौंमा ४७ हजार १३३ मतसहित नेमकिपा, आठौंमा ३२ हजार ९६२ मतसहित जनमत पार्टी नवौंमा ३२ हजार ७०३ मतसहित नागरिक उन्मुक्ति पार्टी रहेको छ भने माधव नेपालको नेकपा एस ३१ हजार ८२४ मतसहित दसौं स्थानमा परेको छ । यस्तै अन्य दलहरुले १ लाख ९ हजार ८४१ मत पाएको आयोगले जनाएको छ ।
