मकवानपुर-२ बाट एमालेका महेश बर्तौला निर्वाचित
मकवानपुर क्षेत्र नम्बर २ मा नेकपा एमालेको उम्मेदवार महेश बर्तौला विजयी हुनुभएको छ । सत्तारुढ गठबन्धनका साझा उम्मेदवार नेकपा एकीकृत समाजवादीका उपाध्यक्ष विरोध खतिवडालाई पराजित गर्दै बर्तौलाले संसदको यात्रा तय गर्नुभएको हो ।
बर्तौलाले निकट प्रतिस्पर्धी खतिवडालाई ४ हजार ५२० मतान्तरले पराजित गर्नुभएको छ । मकवानपुर २ मा कुल ८६ हजार ३ सय १ मत खसेकोमा बर्तौलाले ३४ हजार ९ सय १६ मत पाएर विजयी हुँदा खतिवडाले ३० हजार ३ सय ९६ मतमा चित्त बुझाउँदै पराजीत हुनुपरेको छ ।
