भ्रष्टचार, अत्याचार, नाताबाद र कृपाबादको अन्त्यका लागि उम्मेदवारी दिएको हेमविक्रम सिलवालको दावी
काठमाण्डौं । हेमविक्रम सिलवालले निर्वाचन क्षेत्र नं २ काठमाडौंबाट प्रतिनिधि सभा सदस्यमा आफ्नो स्वतन्त्र उम्मेदवारी दिनु भएको छ । देशमा मौलाएको भ्रष्टचार, कुशासन, नातावाद कृपावाद र राष्ट्रघाती शासानको अन्त्य हुनुपर्छ भन्दै अभियान नै चलाएर आवाज उठाउदै आएका छन् । यी नै शालिन स्वभाव र स्वच्छ व्यक्तित्व छवि भएका हेमविक्रम सिलवालले अबको निर्वाचनबाट सांसद भएर देश र जनताको सेवा गर्ने सुनौलो सपना बोकेका छन् ।
यी सपनालाई साकार पार्न अहिले उनी जनतासँगको भेटघाट तथा घरदैलो अभियानमा व्यस्त छन् । नेपाली काँग्रेस वीपी र नागरिक समाजको साझा स्वतन्त्र उम्मेदवारको कुरुवा चुनाव चिन्ह लिएर अहिले उनी भोट माग्नमा व्यस्त छन् । यो पटकको निर्वाचन २०७९ मा जनताले विश्वास गरेर प्रतिनिधि सभा सदस्य बनाएमा ३५०० सैयाको) वृद्धाश्रम निर्माण गर्ने प्रतिबद्धता समेत उहाले जनाउनु भएको छ । आफूले पाउने सम्पूर्ण सेवासुविधा, तलव भत्ता वापतको सम्पूर्ण रकम समेत बृद्धाश्रमलाई दिने उहाले उदघोष गर्नु भएको छ ।
नेपालमा बहुदल पुनःस्थापना भएको ३२ वर्ष हुदा समेत कुनै परिवर्तन नभएको उहाँले बताउनु भएको छ । यस अवधीमा अकण्टक राज गरेका ठूला दलले नातावाद कृपावाद, भ्रष्टाचार र राष्ट्रघात बाहेक गतिलो काम केही पनि नगरेको उहाँको दावी छ । कम्युनिष्टहरू निर्लज्ज ढङ्गले दलाल पूँजीपतिका भरिया नोकर भएको उहाँको आरोप छ । देउवाले काँग्रेस वी.पी., कृष्णप्रसाद, गणेशमानको सिद्धान्तलाई त्यागेर माओवादीको भरिया हुन चाहेको उनले आरोप लगाए ।
यस्तो निकृष्ट राजनीतिक परिस्थितिबाट देशलाई मुक्त गराउन आफूले स्वतन्त्र नागरिक समाज र नेपाली काँग्रेस वीपीको साझा उम्मेदवारको रुपमा निर्वाचन क्षेत्र न. २ काठमाडौँबाट चुनावमा सहभागीता जनाएको बताउनु भएको छ ।
