प्रेम आले र बलायरबीच यस्तो सहमति, दुबैको चुनाव जित्ने दाउ
पूर्वमन्त्रीद्वय प्रेमबहादुर आले र वीरबहादुर बलायरबीच चुनावी सहमति भएको छ। उनीहरुबीच आगामी मंसिर ४ गते हुने निर्वाचनमा एक अर्कालाई सहयोग गर्ने सहमति भएको हो।
उनीहरु निकट नेताका अनुसार आलेले कैलाली र बलायरले डोटीमा सघाउने सहमति गरिएको छ। आले गठबन्धनका तर्फबाट डोटी तथा बलायर कैलाली क्षेत्र नं ४ बाट प्रतिनिधि सभा सदस्यका लागि चुनावी मैदानमा छन्। उनीहरु मिलेर चुनाव जसरी पनि जित्ने रणनीतिमा छन्। गठबन्धनका तर्फबाट आलेले डोटीमा टिकट पाएपछि बलायर कैलाली झरेका थिए।
