मकवानपुर २ मा महेश बर्तौलाको पल्लाभारी
कुनै समय थियो, नेकपा एमालेका नेता विरोध खतिवडाको भाषणकला र चुनाव जित्ने रणनीतिको महेश बर्तौला ‘फ्यान’ थिए । गृह क्षेत्र भएको कारण पनि खतिवडासँग बर्तौलाको सामिप्यता प्रगाढ थियो ।
बर्तौला अनेरास्ववियु मकवानपुरको जिल्ला अध्यक्ष हुँदा खतिवडा पत्नी तथा समाजवादी नेतृ मुनु सिग्देल तत्कालीन समयमा एमाले मकवानपुरकी अनेरास्ववियु इन्चार्ज थिइन् । इन्चार्ज भएको कारण कतिपय महत्वपूर्ण छलफल उनै खतिवडा निवासमै हुने गर्थ्यो । यसकारण पनि बर्तौला र खतिवडाको सम्बन्ध अझ राम्रो थियो ।
अहिले समय फेरिएको छ । कुनै समय खतिवडाको चुनावी कमाण्ड सम्हालेका बर्तौला योपटक खतिवडाकै प्रतिस्पर्धी भएका छन् । एकीकृत समाजवादीबाट खतिवडा र एमालेबाट बर्तौलाले मकवानपुर २ उम्मेदवारी दर्ता गरेसँगै ‘गुरु-चेला’को भिडन्त पक्का भएको हो ।
यो पटक उनको चुनाव जित्ने सूत्र थाहा पाएका बर्तौला उनीविरुद्ध चुनावी मैदानमा छन् । खतिवडाले सिकाएको ‘सूत्र’को प्रयोग गर्दै चुनाव जित्ने दाउमा छन् बर्तौला । हाम्रो इकोनोमी कुरा गर्दै ३९ वर्षका बर्तौलाले आफूहरुको तीन पुस्ताले खतिवडालाई मतदान गरेर जिताएको भन्दै उहाँले अब आराम गर्नुपर्ने समय आएको बताए । युवाहरुको राजनीतिमा प्रवेश अनिवार्य रहेको भन्दै उनले मकवानपुर २ का जनताले एमालेलाई विजयी गराउनेमा आफू ढुक्क रहेको उनको भनाइ छ ।मकवानपुर २ मा यसपटक महेश बर्तौलाको पल्लाभारी रहेको स्थानीय जनता बताउँछन् ।
को हुन महेश बर्तौला
बि.स. २०५३ सालमा श्री कालिका मा.बि. नामटारमा कक्षा ७ मा अध्ययनरत रहँदा अनेरास्ववियु प्रारम्भिक कमिटीको अध्यक्षको जिम्मेवारी सहित राजनीतिक यात्रा प्रारम्भ ।
– बि.स २०५४, ०५५ सालमा अनेरास्ववियु इलाका कमिटी तथा निर्वाचन क्षेत्रीय कमिटीको पदाधिकारी लगायत को जिम्मेवारी बहन ।
-बि.स. २०५६ मा अनेरास्ववियु जिल्ला कमिटी मकवानपुरको सदस्यको जिम्मेवारी हुँदै सचिवालय सदस्य, बि.स. २०५८ सालमा जिल्ला कमिटी सचिवको जिम्मेवारी बहन ।
-बि.स. २०६० र ०६२ मा गरि अनेरास्ववियु मकवानपुरको दुई पटक जिल्ला अध्यक्षको जिम्मेवारी बहन ।
-बि.स. २०६३ मा अनेरास्ववियु नारायणी अञ्चल कमिटी सदस्य हुँदै उपाध्यक्षको जिम्मेवारी बहन ।
– बि.स. २०६० मकवानपुर बहुमुखी क्याम्पसको स्वतन्त्र विद्यार्थी युनियनको सदस्य, बि.स. २०६२ र ०६५ मा गरि दुई पटक स्वतन्त्र विद्यार्थी युनियनको सभापति पदमा भइ जिम्मेवारी बहन ।
– बि.स.२०६५ मा स्वतन्त्र विद्यार्थी युनियन काउन्सिल नेपालको केन्द्रिय संयोजकमा निर्वाचित भइ एक कार्यकाल जिम्मेवारी बहन ।
– बि.स.२०६५ मा अनेरास्ववियुको केन्द्रिय सदस्यमा निर्वाचित हुँदै मध्यमाञ्चल बिकास क्षेत्रीय प्रमुख, दुई पटक केन्द्रिय सचिवालय सदस्य, केन्द्रिय सचीव ,केन्द्रिय उपाध्यक्ष र केन्द्रिय कार्यबाहक अध्यक्षको समेत जिम्मेवारी बहन गरेको ।
– बि.स.२०६३ मा नेकपा एमाले मकवानपुरको जिल्ला कमिटी सदस्यमा निर्वाचित भइ मकवानपुरको विकट गाबिसहरु नामटार, कालिकाटार र भार्ताको इन्चार्ज भइ जिम्मेवारी बहन ।
– २०६७ देखी २०७७ सम्म नेकपा एमाले काठमाडौ विद्यार्थी बिशेष जिल्ला कमिटी सदस्यको रूपमा जिम्मेवारी बहन ।
– २०७८ मा नेकपा एमाले उपत्यका विशेष प्रदेश कमिटी सदस्य २०७८ मै नेकपा एमाले बाग्मती प्रदेश कमिटी सदस्य र हाल नेकपा एमाले बाग्मती प्रदेश कमिटी उपसचिव को जिम्मेवारी मा कार्यरत ।
प्रहरी नियन्त्रण तथा जेल जिबन
तत्कालीन राजा ग्यानेन्द्रको शाही शासनकाल मा निरंकुशताविरुद्ध लोकतन्त्रको पक्षमा आन्दोलन गर्दा पटक पटक गरि ११ पटक गिरफ्तार तथा प्रहरी हिरासतमा बसेको।
ज्ञानेन्द्रको शाही चुनावको समयमा र २०६२/६३ को आन्दोलनको क्रममा गरि दुई पटक नजरबन्दमा राखिएको । अदालतको आदेश बाट क्रमशः १३ दिन र ७ दिन पछि रिहाई ।
शिक्षा
नेपाल ल क्याम्पस बाट कानुन विषयमा स्नातक तह उतिर्ण । २०६९ मा अधिबक्ताको लाइसेन्स उतिर्ण । – मकवानपुर बहुमुखी क्याम्पस हेटौंडाबाट ब्यबस्थापन संकायमा स्नातकोत्तर तह उतिर्ण । प्रथम श्रेणीमा । – त्रिभुवन बिश्वबिद्धालय केन्द्रिय क्याम्पस बाट राजनीतिशास्त्र मा स्नातकोत्तर तह उतिर्ण। प्रथम श्रेणीमा। – हाल त्रिभुवन बिश्वबिद्धालयमा राजनितीशास्त्र विषयमा Mphil- PHd अध्ययन जारी रहेको ।
