एमाले नेता राजन भट्टराईले गरे उम्मेदवारी दर्ता
नेकपा एमालेका नेता डा राजन भट्टराईले उमेदवारी दर्ता गराएका छन् । भट्टराईले काठमाडौं क्षेत्र नम्बर ४ बाट उम्मेदवारी दिएका हुन् । यसअघि २०७४ मा भएको निर्वाचनमा पनि भट्टराई सोही क्षेत्रमा एमालेबाट उम्मेदवार बनेका थिए । त्यसैगरी प्रदेश सभाका उम्मेदवार ४ क. मा तेज प्रसाद ढकाल, ४ ख. मा जयराम थापाले मनोनयन दर्ता गराएका छन् । अघिल्लो पटक झिनो मतान्तरले पराजित बनेका भट्टराईले यसपटक आफ्नो जीत हुने विश्वास व्यक्त गरेका छन् ।
उमेदवारी दर्ता गराउँदै नेता भट्टराईले मतदाताले सही र गलत छुट्याउनुपर्ने समय आएको बताए । उनले आफुलाई मत दिएर जनताको काम गर्ने अवसर दिन मतदाताहरुलाई अनुरोध गरेका छन् ।
